Getu-Abendmeeting in Obersiggental

Sonntag, den 01. November 2009 um 22:29 Uhr

Dass dr TVB a de nöchschte Wettkämpf nit numme mit eim Päärli am Start wird si, isch scho churz nach em Regio-Turnfescht klar gsi! Und so het sich’s ergäh, dass mir hüt am Aargauer Obemeeting grad mit 5 Teams gstartet si. Zum Glück isch Turne eifacher als Charte läse! Derfür kenne mir eus jetz z Baden us!

I dr Kategorie Jugend hei mir 4 jungi Turnerinne am Start gha. S`Bianca Ramp und s`Katrin Saner hei am Bode und a de Schaukelring ihres Beschte gäh und s`Tamara Kunz und d`Madeleine Wick hei am Bode und am Stufebarre 2 tolli, sälberigstudierti Üebige zeigt. D`Konkuränz isch zwar e bitz besser gsi, aber die 4 chönne sicher zfride si mir de Note und ihrem erschte Wettkampf.

Wie schafft mes eigentlich us 4 Lüt 3 Päärli z`mache? Man nehme 2 Füxs und 2 Steigeisse, mischt s`ganze e bitz durenang, gitene chli Musig, Kreativität und 3 verschideni Outfit…et voilà! So ischs cho, dass uf denä 3 Podescht numme 4 Persone gstange si! S`Moni het mit em Reto Huber us Oberbuchsiten 2 gueti Üebige anegleit und sich ufe super 2.Rang turnt. Mit Swisspower het s`Anita mit em Moni dr 3.Rang erreicht. Und z`oberscht si, mit 2 sehr schöne Vorfierige, dr Reto Kellerhals us Oberbuchste und s`Anita gstange.

Es isch toll gsi, mit sonere grosse Gruppe a dä Wettkampf z`go! Ganz e grosse Dank au a die 2 treue Fans, wo dä wit Wäg uf sich gno hei!

Und wills eso Spass gmacht het, trainiere mir witer und göh am 16.Okt. uf Muttenz ad Nordweschtschwiz-Meisterschaft. S`wär schön, wenn mir 8 TurnerInne e huffe Ungerstützig überchämte und euch mit euserne Üebige dörfe begeistere!