Spieltag 2004 in Nunningen aus der Sicht der Damenriege

Sonntag, den 01. November 2009 um 22:13 Uhr

Wie scho idä vergangenä Joor, hei mir natürlich am Spieltag teilgno und wie immer euses Bestä gäh.
Es het sich glohnt für eus a däm Alass mitzmachä, so het doch die 1. Mannschaft im Indiaca dr 3. Rang erreicht und s' Erstmol sit langem am Spieltag wieder ä Uszeichnig chönnä entgegä näh.
Mir si no mit zweu wieterä Mannschaftä gstartet, denä isch's jedoch nit grad nach Wunsch gloffä.
Am Nomittag si mir denn mit einerä Mannschaft ir Pändelstafettä gstartet, hei mir doch eusä Titel miesä verteidigä. Das isch eus denn au ohni Problem glungä, het doch eusä Gegner Biesserach ihri Mannschaft zrugzogä.
Jetzt hei no die zweu letztä Mannschaftä uf ihrä Isatz ir olympischä Stafettä gwartet, es isch s'erst Mol, dass mir zweu Mannschaftä zämmäbrocht hei. Au i derä Diszilpin hei mir dr Pokal miesä verteidigä, was eus denn au glungä isch, mir hei die erstä beidä Platz sicher vor eusnä Gegner chönnä is Ziel rettä.
I möchte allnä rächt härzlich dankä wo a däm Spieltag mitgmacht hei, es isch doch immer wieder schön mit soviel Frauä dörfä z'startä.